LIGA

I.

LIGA

apud Alb. Argentinensem in Chr. A. C. 1337. Marchio cum Mastino Veronensi ligam contraxit etc. confoederatio, foedus est, quo quis cum alio ligatur, vin citurque: Ligue Gallis; apud quos Ligae Sacrae famosum Praet. Sec. exsecunte, nomen fuit. Cum enim lanienâ Parisiensi ad desperationem adacti Hugonotae, ut vocant, ab eo tempore ferro et flammâ ita devastarent Galliam, ut plures arcium, templorum, monasteriorumqueve ruinae exstiterint. quam in immani illa laniena homines interfecti ac plane ultio tanto scelere digna sumpta esset; Omnes iterum contra insurrexêrunt Hispani Guisianiqueve, ac icto inter se foedere novo, quod Ligam Sacram dixêrunt, instaurare antiqua bella ac pertinacibus armis exscindere Hugonotas, quorum Dux Henr. erat Rex Navarrae, secum constituêrunt. Imo ulterius progressi, quoniam Valesia Fam. in Henr. III. ad ultimam orbitatem redacta erat, Guisiani, velut ex Carolingis oriundi, nihil dissimulato ambitu, Regnum ipsum affectârunt: ipso Henr. socordiâ aliisque vitiis in tantum delapso vilipendium, ut merum esset Guisianorum ludibrium. Cuius opprobrio ut animum explerent, in omnibus ad Ligerim oppidis spargi curârunt, leprosum esse Regem, ac, ut illâ peste liberaretur, conquisitis undique formosis pueris, in eorum sanguine abluendum, iamqueve missos undique conquisitores, qui per universum illum tractum pueros raperent. Sed hic tum demum, velut ex alto furore excitatus, statuit dignas de sceleratissimis hisce poenas sumere. Convocata itaque Blesis Comitia A. C. 1588. in quibus, cum Ducem Guisium ipsiusque fratrem Lud. Card. vultu alacri ac suprbo comparentes vidit; ingredientem conclave suum priorem per satellites pugionibus confodi, postridieque fratrem eius strangulari iussit: Utriusque cadaver igne crematum cineresque in Ligerim dispersi sunt. Hinc acriter detonare Pontifex. excommunicare Regem, pleraque Gallia ad Ligistas deficere: Quare Henr. salutem suam totiusque Regni, in Hugonotarum fide ac virtute unice sitam esse cernens, cum Henr. Navarrae Rege pacefactâ, eum utpote agnatione proximum ac indubium Successorem, licet a Pontifice excommunicatum, Heredem declaravit, ipsiusque exercitu auctus, Ligistarum metropolim Lutetiam obsidere coepit, iamqueve obsessi laborare fame, cum Iac. Clemens Monachus e Praedicatorum ordine, in Regium cubiculum, sub praetextu literarum arcanarum, admissus eum confodit cultro, d. 1. Aug. A. C. 1589. quo ipso translatum a Valesiis ad Borbonios regnum est, quorum caput Henr. Navarrenus, postquam aliquandiu cum Ligae reliquiis colluctatus esset, illâ tandem confectâ penitus, regnum pacavit, et ad posteros transmisit. Georg. Horn. Orb. Imp. tum Notis L. Ioachimi Felleri, p. 258. et seqq. Vide eund. in Orb. Pol. cum Animadv. Othonis Menkenii p. 71. ubi foedus hoc Papam Rom. inter Regem Hisp. ac Ducem Guisiae initum, sub praetextu haereseos extirpandae: occultam vero veramque causam, translationem regni Galliae a fam. Valesia et Borbonia ad Regem Hisp. vel fam. Lotharingicam fuisse addit. Sed et in Germ. idem nomen inditum est foederi, a Principibus Rom. communionisinito A. C. 1609. Duce Ligae constituto Maximiliano Bavariae Duce postmodum Electore: cui Unionis nomine foedus aliud opposuêre Principes Protestantes, auspiciis Frid. IV. Electoris Palat. quo pacto semina et fundamenta turbarum iacta sunt, quae tandem in atrox bellum erumpentes tricennio integro Germ. gravissime afflixêrunt, Phil. Iac. Spener. in Fam. Palat. Bav. Simile omnino foedus illud, quod Sanctum appellatum, Heldi Caesarei Legati ministerio, Norimbergae percussum fuerat A. C. 1538. cuius primarii Duces, ex eadem Bavariae Ducum fam. Vilhelmus Alberti V. Pater, et Lud. frater illius, fuêre, tuendae Religioni Pontificiae, contra Protestantes, Smalcaldico mox bello involutos etc. apud Eund.

II.

LIGA

ins. maris Britannici Ligon Camd.